踫不上藝妓卻看見寶塚 Day 2 下

starbucks實在太令人感動，冷氣好涼飲品好凍，簡直為行左一朝既我地充左唔少電。

攤抖完就出發去花見小路通撞藝妓啦~~ 

其實係starbucks前少少就係花見小路通喇，不過可能我地唔岩時候去，一個藝妓都見唔到，不過花見小路通d屋都好有特色，唯有行下影下，搏下睇下會唔會撞到藝妓啦。

會有藝妓出沒的花見小路通

條街好靜，見到不少遊客，應該都係諗住黎撞藝妓，不過同我地一樣，失望而回。


離開花見小路通，沿住條街一路行，有好多食甜品既鋪頭，仲耐唔耐就見到著住和服既日本女仔，有個女仔好靚架!! 不過影唔切相... ...  仲遇見寶塚既poster，既然我地係讀japan studies，又點會放過同寶塚poster影相既機會呢，我地仲見到leaflets就拎返去，寶塚好勁架，天海佑希都係寶塚出黎，我地見到寶塚仲做singing in the rain~~ i'm singing in the rain, just singing in the rain~~~

沿途見到藥妝店就衝入去，因為要幫媽媽買mask，黎伯任務好繁重架，媽媽同呱呱要既野都係靠黎伯去買，由此可見，黎伯幾有錢，有錢先可以幫咁多人買野架。
不過呢間搵唔到媽媽d防皺紋mask，但日本咁多藥妝店，總有一間有既。（當時我地好天真咁諗）

鴨川

經過鴨川，夏天鴨川會有納涼河床，即係俾人坐係出面望住條河食野，可能呢個時候唔係食野既時候，所以冇咩人，過左鴨川就進入左京都比較繁華既地方，開始有大型既日本百貨公司，我地識既牌子，such as fancl，提起fancl，又要幫媽媽買野，真係辛苦黎伯，仲有開始多快餐，好似摩斯漢堡店同麥當勞，係呢D鋪頭之間，會無啦啦有Ｄ神社，而我地亦搵到我地既目的地，新京極同錦市場，開始shopping之旅啦。

一行入新京極，已經俾間買傘既鋪頭吸引住，係度狂試Ｄ雨傘，真係好靚，500幾yen一把直傘，香港都買唔到咁平，不過呢日我地都冇買到。行多幾步就見到間全場315/1050 yen賣accessories同手袋既鋪頭，我地又點會忍得住，即刻衝左入去揀，係得黎伯冇收獲。成條新京極都好長，基本上賣衫既鋪頭或者睇落去好平既鋪頭我地都二話不說咁衝入去，邊個話京都冇得shopping，我地都幾滿載而歸，新京極簡直係天堂。

呱呱老公變左樣?

我地仲見到叮噹既真面目，周街都有賣呢類型既tee，其實係咪即係好似要係香港買個Ｄ有點心圖案既oversize tee？

行到口渴係藥妝度買CC Lemon飲，至此，我地成日係度唱CC Lemon~ CC Lemon~~
黎伯應該好想打我地，覺得我地超煩。

錦市場

即係街市

其實呢日黎新京極錦市場既目標係買清酒做手信，所以行到新京極既中間就轉左過去錦市場，因為錦市場6點就關門大吉，行到尾有間賣野食既鋪頭，我地就買左我地既晚餐返去，炸天婦羅飯、親子滑蛋雞肉飯、薯餅等，去埋隔離既supermarket買大支既寶礦力飲品，就走路回家了。

一路沿住條河行，去埋supermarket買蛋包飯同明天既早餐，仲去左類似叮噹入面既公園遊玩盪鞦韆，在河邊看見很美的雲，雖然拎住好多野，又行左成日，但都好開心。

鴨川

五條通

返到hostel，就叮返熱Ｄ野食，我地間房有個小型廚房，好good!!

叮完哂就即食，擺哂Ｄ食物係臺面，真係好似family食晚飯咁，好home make feel，Ｄ野食都好好味，今餐真係又平又好食，食唔停口。

我們的晚餐

食完野就即刻係浴缸放手，三個人齊齊浸腳，因為行左成日實在太攰，浸完腳成個人都好舒服～～～

在地主神社求個戀愛先 Day 2 中

在見識完清水寺的木建築後，我們便去了地主神社，地主神社在清水寺內，最有名的便是求戀愛運，裡面有對相距10米的戀愛石，只係閉上眼由一邊走過去另一邊，冇行歪既話，戀愛運就會好順利喇。
而我地只係同塊石影左相，都唔覺有人咁樣行法。
竟然來了地主神社，我地梗係繼續我地既洗手之旅，地主神社多數都係求姻緣幸福，希望經過我地狂洗手之後，都會係咁。

洗手求幸福

其中一邊的姻緣石

在地主神社兜了個圈後，便看見音羽瀑布，三條水柱分別代表長壽、健康、智慧，只可以揀一樣，很多人排隊，所以我們只拍了個照便走了。

長壽、健康、智慧

因為我地不是經二年三年坂來到清水寺，所以離開時我們便經由二年三年坂到圓山公園和八阪神社。

最近清水寺個條路就是手信街，滿街都是賣手信的店鋪我地亦食左我地既早餐，green tea & vanilla ice cream，無錯，係雪糕，而且仲不斷試食。行二年三年坂都好驚，唔想係個度仆街，據聞如果跌倒了會在三年內大難臨頭。

清水寺的手信街

愈行愈落就愈少人，開始有D異國氣息，一直行去圓山公園既途中，都有唔少鋪頭，但冇上面清水寺咁多，比較疏落，不過入面賣既野都好靚，睇個樣呢Ｄ鋪頭都係賣手信居多，都係Ｄ日本娃娃咁。就咁行落去都好舒服，雖然依然係好熱好曬，但係條街冇咩人，行幾步又有Ｄ鋪頭俾我地涼下冷氣，都唔錯。

行到去圓山公園，影左我地第一張合照，開始左我地自拍之旅。我諗春天黎圓山公園應該會好靚，sakura~~~ 　

八阪神社就在圓山公園旁，兩個地方係相通，仲俾我地見到火野麗，無錯係真人版火野麗，雖然唔清楚火野麗係做d咩?!?!!我地都即刻好興奮奮奮奮XDDDDD!!!!!!!!!!!!!!!因為佢令我地勾起我們的童年記憶－美少女戰士。
雖然火野麗神出鬼沒的，但我地仍然好努力捕捉火野麗0既蹤跡，所以決定之後每次見到火野麗就要影相，「追蹤火野麗之旅」，其實我地個grad trip都好忙。

追蹤火野麗!

繼續洗手@八阪神社

在八阪神社出來便看見lawson，也預示著我們這次京阪畢旅離不開Lawson。

八阪神社

八阪神社外，直走便是花見小路通，追訪藝妓

行去花見小路通的途中看見星巴克，由於在烈日當空下走了一上午，又累又熱，加上這天往後的行程還需要腳力來完成，所以我們仨直衝了進去，涼下熱氣抖下暑。

清水寺 Day 2 上

3/7/2008


清水寺-->三年坂 --> 二年坂 --> 圓山公園 --> 八阪神社 --> 花見小路通 --> 新京極錦市場

一早起身無早餐食，梳洗完畢後，出發去清水寺，很幸運地清水寺就在hostel旁，有條路行上去，極其方便，不過呢日天氣實在太好，好到個天好藍好熱好曬。

清水寺

我們走在路上，沒什麼行人，店鋪也未開門，還以為這天沒什麼人去清水寺，但點知一上到去就見到一有堆日本中學生黎旅行，真係好慘，佢地大熱天時都要著住校服，終於知道點解當時想訂budgetinn同tourclub會無位，原來有甘多學生黎，大概是他們的夏季旅行。

一堆中學生

清水寺在山上，行完斜坡行樓梯，一早便做盡運動

本來諗住都算一大早，冇咁多人啦，點知原來大家都好早就黎，黎到日本既神社，當然要入鄉隨俗，繼續洗手!!!

洗完手就行到去售票處，清水寺的門票上面的圖案係分季節的

(由sister anthea係日本領養返黎既poohpooh展出清水寺ticket)

清水寺係世界遺產，都係京都最古老既寺院，最出名當然係佢既木造棟樑結構式既建築，咁宏偉既建築但係冇用過一粒釘，真係好勁。

清水寺的木建築；看到京都塔

夜探伏見稻賀 Day 1下

終於在hostel hea左陣，本著唔想蝕左張bus pass同JR pass既思想下，我地出發去夜探伏見稻賀。

一出JR站就係伏見稻賀大社，夜麻麻，無咩人，有點陰森恐怖，尤其日本是那麼多神鬼靈異的故事，不過天色和橙色既鳥居好襯，我們在門口已經瘋狂地按下快門，期間總算看見有幾個當地人或旅客出入，但甘靜真係幾恐佈，係我地成個trip最少人既景點。

狐狸係稻荷神的使者，係日本第一日就見到grandpa，仲要係夜晚，好恐怖，又無人又黑。伏見稻賀最有名的就是千本鳥居，沿著路有無數的鳥居，不過這條路沒什麼燈，天色已黑，我們邊行邊驚。

探險之旅係我地慌慌張張聽到d風聲草聲嚇到癲左就此結束，雖然同我地想像中好唔同，我地又無行上去，但係夜探伏見稻賀都幾excited，別有一番滋味，我地睇同聽日本怪談太多喇。

人地藝妓回憶錄小百合細個係度跑黎跑去，我地去到就係甘： 

一條生路一條死路，你揀邊條?

是次黎日本神社最大既樂趣係洗手，因為天氣實在太熱，所以每次去一個神社都要洗手，正所謂入鄉隨俗呀嘛，洗手之旅第一站：伏見稻荷大社！

搭返JR返去京都，搞左成日，又攰又餓，結果上左去車站樓上既foodcourt食拉麵，高得恐怖，行落黎時好驚。

搭返bus返hostel，今次無搭錯，返到去支力到死，執下野沖下涼就訓lu，聽日個schedule無車搭，just by our foot，真係好健康。

開始! 日本京阪畢旅!! Day 1上

2/7/2008


香港機場AIR INDIA-->大阪機場-->JR-->京都車站-->hostel-->伏見稻荷大社-->京都車站-->hostel

由一大早去機場開始，沒睡醒但又難掩興奮。
五點多起身搭頭班車去機場，途中見到好靚的日出，是這個旅程的第一個驚喜。便宜的機票總有代價，代價就是要早起身。
黎伯 (上海蘇杭之旅先起既花名，但依家己經叫慣左) 一早已在機場，表著是我，最後等埋sister anthea就去check in，check 完in反正沒什麼事幹，就入去喇，機場保安是多麼的嚴謹，總要排一排隊才能順利出境。排隊時見到一班印藉機組人員，我們在猜測究竟是否我們坐的那架飛機的機組人員。

去到閘口還是要等，又看見那班印藉機組人員，原來真係負責我地班機，空姐們好健碩而且成熟，空中"少爺“都係，坐坐下見到機師們，有個女機師好靚女又後生，正過葉璇！！

見到架機駛埋黎，對比隔離國泰港龍機，架機變左迷你版，嚇親！
上機前又一輪security check，check袋仲搜埋身，再一次嚇親！上到機，好耐未坐過舊機，我地三個坐中間位，起飛個陣，上面擺行李個d位係度喪震，一朝早連環嚇親！！
由於甘早上機的關係，當然有早餐食，well，我好欣賞有乳酪食... ...
食完就訓，訓到落機，入境要填form，黎伯去過甘多次都不太識填，而有教填form既通書係佢行李度，我地唯有靠漢字加英文填左佢......
入境又要排隊，影相，排左好耐，拎完行李就去JR counter換返張pass，黎伯根據網上形容係淺green窗口，其實係門口，兩樣野分別好大，究竟邊忽見到係窗口呢？
換pass又要排隊，有好多台灣人，foriegners都好多，換完跑落去搭JR去京都。

詭異的黎伯

黎伯一直話一個鐘就去到京都，點知中間唔知發生咩事，架車停左，我地係架JR度，又聽唔明日文，又唔知發生咩事，坐到又攰，係JR hea左成個鐘都有，頹到我地，唯有訓... ...
終於坐左兩個鐘JR，到左京都，行去買bus pass，以為脫離不幸，點知... ...我地本來要搭bus去hostel，滿心歡喜諗住可以快d去hostel休息，結果，我地搭錯車，我地搭左循環線既另一邊，又搭左成個鐘先落到車，仲要落車個陣喪迫，差d落唔到車，係甘excuse me、Sumimasen，唉！
落車拖住行李去hostel，行去hostel途中見到靚鬼仔，令我同sister anthea為之一震，醒哂。
我地住東山ivy，好彩行行下俾我見到條巷仔入面有個building個牌寫住東山ivy，真係好支力，入到東山ivy要行樓梯，入到房真係忍唔住上床，完全唔想再出去。