香港機場-->AIR INDIA-->大阪機場-->JR-->京都車站-->hostel-->伏見稻荷大社-->京都車站-->hostel
由晨早去機場開始，未訓醒但又難掩興奮。
五點幾起身搭頭班車去機場，途中見到好靚既日出，平機票，無法啦，平要有代價，代價就係要早起身，這就是窮苦學生的命運。
黎伯 (上海蘇杭之旅先起既花名，但依家己經叫慣左) 一早到左，跟住係我，最後等埋sister anthea就去check in，check 完in反正都無野做，就入去喇，你知啦，機場d security幾甘嚴謹，要排好耐隊。排緊隊時見到班印藉機組人員，我地仲係度講笑話會唔係我地飛機個班。
去到gate就坐係度等，又見到班印藉機組人員，原來真係負責我地班機，空姐們好健碩而且成熟，空中"少爺“都係，坐坐下見到機師們，有個女機師好靚女又後生，正過葉璇！！
見到架機駛埋黎，對比隔離國泰港龍機，架機變左迷你版，嚇親！上機前又一輪security check，check袋仲搜埋身，再一次嚇親！上到機，好耐未坐過舊機，我地三個坐中間位，起飛個陣，上面擺行李個d位係度喪震，一朝早連環嚇親！！
由於甘早上機，當然有早餐食，well，我好欣賞有乳酪食... ...
食完就訓，訓到落機，入境要填form，黎伯去過甘多次都不太識填，而有教填form既通書係佢行李度，我地唯有靠漢字加英文填左佢......
入境又要排隊，影相，排左好耐，拎完行李就去JR counter換返張pass，黎伯根據網上形容係淺green窗口，其實係門口，兩樣野分別好大，究竟邊忽見到係窗口呢？
換pass又要排隊，有好多台灣人，foriegners都好多，換完跑落去搭JR去京都。
黎伯一直話一個鐘就去到京都，點知中間唔知發生咩事，架車停左，我地係架JR度，又聽唔明日文，又唔知發生咩事，坐到又支力，係JR hea左成個鐘都有，頹到我地，唯有訓... ... (據之後係美亞既舊同事話極有可能係有人跳軌，所以架JR先停左咁耐，我地諗返都可能係，因為見到D救護定消防人員係度行黎行去)
終於坐左兩個鐘JR，到左京都，行去買bus pass，以為脫離不幸，點知... ...我地本來要搭bus去hostel，滿心歡喜諗住可以快d去hostel休息，結果，我地搭錯車，我地搭左循環線既另一邊，又搭左成個鐘先落到車，仲要落車個陣喪迫，差d落唔到車，係甘excuse me、Sumimasen，唉！
落車拖住行李去hostel，行去hostel途中見到靚鬼仔，令我同sister anthea為之一震，醒哂。我地住東山ivy，好彩行行下俾我見到條巷仔入面有個building個牌寫住東山ivy，真係好支力，入到東山ivy要行樓梯，入到房真係忍唔住上床，完全唔想再出去。
沒有留言:
張貼留言