下鴨神社 Day 3 中上

金閣寺其實除左舍利殿之外都冇咩野睇，都係賣紀念品既地方，臨出去之前，我地見到有間賣野食既小食店，300yen一杯冰，我地三個就share左一碗綠茶冰，超好食，好濃既綠茶味、好D小丸子、好甜既花奶，combine埋一齊之後又唔會太甜，又夠凍，依家好後悔，個陣應該食多碗!!

到現在仍難以忘懷的綠茶冰

去完金閣寺，就搭巴士去下鴨神社，又係去返轉車既巴士站，搭另一架車。
我地一落車就見到lawson，又衝左入去，又差唔多到lunch hr，又諗下一陣要去貴船神社親親大自然唔知會有咩食，所以就買左便當，叫佢幫我地叮返熱食。

Lawson

豐富的午餐，有便當、壽司同埋飯團

黎伯極之享受，食得幾滋味~

下鴨神社係免費入場，世界文化遺產，係京都歷史最悠久既神社之一。
洗手團再次出動，其實係因為食完野對手有D痴，天氣又熱，順便洗下。

洗手

 
對比起金閤寺，下鴨神社冇咩人，我地最主要睇既係御手洗祭既場地，御手洗祭係幾出名既夏天祭典，相傳將腳浸入呢個御手洗池，就可以無病息災。不過我地去到御手洗池... ....  見到既係... ...  好多蚊同小昆蟲，搞到成身都好痕。

御手洗池

無異小溪係好靚，但影相個陣往後面一看，全部都係小昆蟲，好恐怖。

除左見到小昆蟲，我地又見到火野麗!!  我地見到火野麗都好興奮，即刻拎相機出黎，不過火野麗既步速好快，唔係次次都影到。

下鴨神社的火野麗

我地冇點逗留係下鴨神社，因為仲要趕去下一站 -- 貴船神社，比較遠，同更加接近大自然。