行完拙政園就去獅子林，途中經過蘇州民俗博物館，又係免費就行左入去兜一轉，跟住聽到好多打雷聲，好驚會落大雨，因為得黎伯一個帶左遮出黎，結果兜左個圈冇咩點睇就去獅子林喇，但原來獅子林就係隔離。
去大陸旅行，基本上每去一個景點，就會有好多女人過黎問要唔要導遊，一睇就知我地係貧苦學生啦，邊有錢請導遊陪遊江南園林呀，煩死，佢地係都唔問黎伯架喎，次次都係問我同sis anthea。
獅子林係元代園林，以假山著名，入面又係好多人，其實獅子林一D都唔大，所以一人多就好迫... 今次遇上好多學生，見到有團廣東學生，有個男仔係廁所門口好大聲地埋怨有人放屍，笑死我地!!
獅子林係蘇州四大名園之一，又係世界文化遺產，所謂帶子林，其實就係話各種唔同形狀既太湖石造成山峰、山谷、洞穴各種景觀，以及各種姿勢既猊狻石，好似獅子既各種形態，因為取名獅子林。
 |
| 獅子林與黎伯 |
 |
| 人滿為患... 除了獅子就是人... (扇亭) |
 |
| 挑戰自我! 個女人企左係個極度危險既位留倩影，我們慫恿黎伯模仿但佢唔肯 |
 |
| 落雨就唔見哂D人喇! |
 |
| 回復平靜的獅子林 |
 |
| 等停雨 |
 |
| 湖心亭 |
 |
| 石舫 |
落雨涼爽先有心情影相遊玩，係同里熱到中暑，真係無mood。
獅子林場雨都落左好耐，由好多好多好多人到落雨變成無人，真係好好笑，黎伯仲遇見一個同佢著情侶裝既細路呢。
獅子林其實唔大，如果唔係落雨停左一停，應該好快行完，不過又因為落雨，我地先有機會坐係亭入面欣賞獅子林既假石。
趁停雨就搭返巴士返hostel喇，三個人叫沙律食，黎伯叫正常沙律，sis anthea叫少醬，我就叫走醬，我個份最易整但等左好耐， 可能因為走醬佢要整多D生果俾我先似返D樣。
 |
| 上樓梯為我們最愛的dvd area! |
一邊食沙律一邊睇dvd，我記得睇左套虎膽龍威4，入面個奸角叫gabriel，笑死我地!!
沒有留言:
張貼留言