渡月橋下的我倆 Day 4 中

去到馬堀站，要過天橋先去到我地要搭車既月台，眼見一班車走左，所以就係月台搵位坐下，點知俾我地發現有部電話被人遺漏，sister anthea要過返天橋交俾車站職員，所以就形成左呢兩張各自係月台既相。

返到去嵐山駅，要行一段路先去到渡月橋，經過民居，由於天氣都幾熱，所以我地一見有鋪頭就入去涼下，行到街尾我地就見到好靚好藍既天，同埋我地既目的地---渡月橋!!!!!

往渡月橋的途中 

經過民居

藍天與白雲

兩位日本伯伯忙裡偷閒

黎伯不斷又影D草草木木，而我地兩個見到條河，已經急不及待加快腳步衝去對岸，但黎伯則依然好休閒咁行兩步影幾張相，我地兩個都好無奈，因為我地要黎伯幫手睇住D隨手物件先可以落去條河玩，所以雖則我地兩個一早過左對面岸，但等黎伯都等左好耐......

好清澈，望到都覺涼浸浸

以上兩張相就係當我地快步諗住過去對面岸玩水，但黎伯仲好休閒地拍照... 真係吹佢唔漲

當我地兩個好心急咁係河邊等緊黎伯，佢仲好休閒影緊渡月橋上來來往往既人同埋河邊公園既景色........

終於等到黎伯黎，我地除哂鞋襪就跳入水玩啦，一落到去條河，真係透水涼呀!!!!!

D水係好清涼，石仔亦都有按摩作用，而且完全睇唔到底，有陣時差D差錯腳，好彩我地兩個都可以互相扶持。
我地行完一陣後，黎伯亦都回復童真，落水玩。

睇下黎伯幾開心

黎伯玩樂完，又到我地兩個出去玩，今次試下行上行落行遠D。
而黎伯就係岸邊浸住腳幫我地影相，仲因為咁而影出佢呢世人最有意境既相!!!!

love this photo!

條河好似得返我地兩個咁，天上面又有雀仔飛過，幾十年後，都依然係黎伯影得最好既相 。
渡月橋係我地成個 grad trip最美麗0既意外收獲!!!!!!從來冇諗過係日劇或卡通片成日見到0既情境會真真實實咁呈現我地眼前!!!!!!!!個日個天好藍，陽光好充足，d風吹埋黎好舒服，呢d係我地係香港好少感受到。遠離市區，忘記係香港既忙碌同煩惱，時間就好似停止轉動，我地可以好好咁感受下大自然帶比我地既感動同快樂!!!!!!!!我地多想永遠停留係那一刻，好好保全呢個咁美好既回憶!!!!!!!!!!!!!!!我想旅行0既意義就是這樣吧!!!

黎伯幫我地影之外，我地都會自拍既，而且不斷影周圍既景色。

除左我地，都有好多日本familiy黎呢條河玩，D細路仔都係玩得好開心架，而且大人們都回復童真，好似黎伯咁。

係遊玩之際，俾我地見到日本既gender relations。著住白色衫既女仔同一大班男仔朋友黎落河玩，但好慘既係，咁多男仔冇一個照顧過個女仔，個女仔要自己一個好危危乎咁行，D男性友人就全部行得好快，D男仔仲要潑水玩個女仔，唉，個女仔真係慘到爆。可憐0既日本女孩，我地坐係旁邊真係有好幾度見住佢就跌就跌咁，睇到我地都心驚膽跳之餘亦都好佩服佢既平衡力啊!!!!!但同佢同行既所謂男性友人就無一個返轉頭陪佢一齊行，甚至連等埋佢既意欲都無囉!!!我都只可驚嘆這就是文化差異，上課學到既gender relation係呢次經歷上得到驗實。日本男人既大男人主義真係名不虛傳!!!