充滿小資情調的上海 Day 3 上

13/7/2008


泰康路思南路--> 淮海中路--> 黃坡南路地鐵站--> 新天地


一早起身，去左hostel附近既supermarket，其實間hostel真係好方便，又近地鐵站，行兩個街口度又有supermarket，買左D野飲同野食，返去hostel整頓下就出發去泰康路同思南路啦。

本身泰康路同思南路係尋日既schedule，但因為尋日落雨，所以d schedule改哂。行過去唔算遠，傾下計玩下就行到過去喇，仲有對內地旅客母女問我地田子坊點去。

位於泰康路既田子坊係仲有石庫門建築既一個小區，石庫門係上海獨有既建築，由四合院演變出黎。而田子坊被定位為藝術街，當然比起上海m50、北京798或者深圳既藝術區都為小，但係呢度都有好多特色小店coffee shop，sister anthea係度買左D戰利品

有唔少遊人專登黎呢度

藝術野其實唔多，有gallery有cafe有精品店

田子坊其實唔太大，由幾條街組成一個藝術小區

與其說是藝術小區，這裡的老建築更好看更有風味

陳逸飛

行田子坊參觀完就轉入思南路喇。

思南路係一條行得好舒服既路，行人唔多，但係兩道旁既樹木就好多，滿眼盡是綠色既植物再加上古舊既建築，真係另有一番風味。

思南路

思南路，係20年代既法租界，所以大部份係思南路既樓房都係歐陸式既，而且有好多名人都係度住過，包括周恩來孫中山徐志摩傅雷張學良等等。

可能係因為大部份建築物都係花園洋房，加上道路旁既大樹，令到呢條街好詩情畫意，以為自己係歐洲tim。


行行下我地見到棟滿佈植物既建築。

周公館，免費入場

爬山虎爬滿整幢建築

小資的氛圍呀

花園仔

周公館係周恩來既故居，係三層樓高既洋房，1946-47年間係中共駐上海辦事處，1979年正式成為紀念館。周公館係免費入場，但係入面唔影得相，有疑似係大學生既人做介紹，咁都幾好呀，佢地有得嘆冷氣又可以當係實習咁，而作為遊客既我地又清楚D呢棟建築既歷史文化上既意義。


一樓係周恩來既辦公室同休息既地方，最高個層就係集體宿舍，當年有唔少中共既人係度住過，屋入面有好多擺設同傢俱，大部份都係複雜品，好可惜入面唔影得相.......


介紹員有同我地講當年點樣係度做秘密既辦事處，國民黨既人點樣係出面監視周公館既一舉一動，估唔到一棟小小既三層花園洋房，係歷史上既貢獻會係咁大。(如果真係係度住，都幾好，因為真係環境優美，好清幽)


參觀完周公館就繼續行喇，本來諗住去埋孫中山故居，但入場費要成60/80蚊，嚇窒左我地，所以我地最終放棄左。無入去到孫中山故居轉而搵野食，搵黎搵去都附近都冇咩好野食，結果見到有kfc，再次食快餐。

KFC

講真，係大陸我幾鐘意食kfc (compare to mcdonald)，個陣係北京實習已經成日去食，因為實習成兩個月，日日食D地道住家飯都會悶，kfc又平又好食!!


同香港唔同既係跟餐既係薯條，而且套餐種類係以burger為主，but my favourite is九珍果汁，類似雜果賓治既野飲，夏天飲真係一流。講返大陸快餐，薯條依然係偏鹹，但絕對比香港好食好多，而且佢辣既野食係真係比香港辣D。


食完野就行下附近商店，見到有書店就入去行左一圈，之後沿住淮海中路一直行去黃坡南路地鐵站。


淮海路同南京路一樣係上海有名既商業街，沿途有好多大家都好熟悉既牌子，e.g. izzue、miss sixty、mango，當然唔少得各大運動牌子nike、addidas乜都有。

講真上海同香港都幾似。