依家睇返，我地都冇特定話要搵個D所謂既西湖十景出黎，咁究竟我地去左西湖D咩地方呢?
呢日天氣好好，一滴雨都冇，又冇陰天，一D都唔似尋日橫風橫雨過，江南既天氣都幾變幻莫測，但總算唔係好熱，好過係蘇州。
呢日由hostel搭公交，經過唔少景點，包括龍井，坐坐下公交，有個細路急尿，跟住佢呀媽抱住佢係公交車既垃圾桶解決，其實細路急起黎要咁樣解決都唔係問題，問題係個垃圾桶又冇袋而且有窿，d尿流到出口條樓梯，咁同就地解決有咩分別!! 落車時都唔知踩唔踩落去好，好彩我地落車時已經乾左，就算踩到少少，都當乜都睇唔到。
今日第一站去蘇堤，唔係搵許仙，係去玩船。
 |
| 見到有船撐已經癲左 |
好先進既電動船，話說當年係北京後海玩都幾貴下，貴到我地玩腳踩，但今次係西湖竟然半個鐘只需20蚊，唔駛自己踩喎，即上!!
 |
| 黎伯帶我們去泛舟湖上 |
由於害怕翻船，所以我和sis anthea坐前面，黎伯一個坐後排，我地強烈要求佢一定要坐正係中間，如果唔係會翻船。黎伯坐船期間忍唔住黎部相機左影影右影影，令到架船左搖右擺，嚇到我地，即刻喝佢「都叫你唔好周圍郁啦」，才得以保住小命一條。
坐完船仔就漫無目的圍住個湖行，本身其實都係諗住圍住個湖行架喇，諗住實無死啦，西湖西湖，圍住黎行一定有野睇。
 |
| 途中我仲好心幫左個老人露宿者!! XD |
終於行到雷鋒塔。
 |
| 遠遠已經看到 |
我地冇入去，只係外面影左幾張相就去清河坊喇。
清河坊係杭州有名的觀光街，其實只有好多舊鋪同仿古建築，真係一條名符其實既觀光街黎。呢條街係古時係杭州最繁華既地方。
之後我地又去參觀杭州星巴克喇... 係星巴完涼完冷氣，我地終於搵到D標誌性既位黎影相，證明到此一遊。
而且終於有D似樣既荷花喇!!
 |
| 黎伯變身巨人! |
 |
| 邊度都係人... |
 |
| 追趕著我們的黎伯 |
 |
| 西湖畔食風 |
 |
| 白堤 |
行到白堤我地就返湖中居喇，有個女仔係度睇古靈精探，我地又跟住睇，原來人到異地真係好relax，我地竟然追睇古靈精探，黎伯仲唔肯上去沖涼，我地三個仰係度討論劇情，估誰是兇手! Nice hostel, nice drama, nice night!
沒有留言:
張貼留言