姬路城半天遊 Day 5 上

6/7/2008
京都車站--> 姬路--> 姬路城--> 宇治--> 京都

今日為左善用JR Pass，所以去完姬路城就去宇治，本來黎伯俾我地既選擇有北野異人館/再去嵐山/大阪，但我地都係揀左宇治，因為嵐山去過大阪第二日又會去，所以揀個未必再會去既地方。

一早起身帶備我地尋晚係99yen店買既零食，就出發去京都車站坐JR去姬路，由京都去姬路要成個半鐘，好不幸，一早好多人搭JR，我地企左好多站，終於係新大阪定大阪站，有好多人落車，我地終於有位坐喇。

一有位坐，我地就訓，訓到落車，所以其實落車個下係幾攰既，落左車仲要行一段路先到姬路城，不過都幾容易認路既，因為一條大路就行過去，唔駛轉彎，離遠就見到姬路城。

姬路城

一行到去姬路城，就見到呢塊石，日本國寶又係世界文化遺產，同熊本城、松本城合稱日本三大名城，因為保存度高，未受過戰火或其他破壞，所以被稱為日本第一名城。

不斷有石碑同牌寫住國寶，姬路城係勁野黎架，係日本第一批世界遺產之一。

因為佢白色既外牆，所以姬路城又叫做白鷺城，都係姬路城好聽D，exotic d。

櫻門橋，於2007年重建

過左櫻門橋就係呢個大門，入左去仲要行一段路先係售票處同天守閣。

入左去就見到另一塊石寫住世界遺產，同遠望到天守閣。

愈行愈近就影張相先。

呢度先係售票處，有得自助售票，好方便；係售票處回望走過的路。

仲要行一段路先到天守閣，我地沿住佢既路參觀。

歷代城主使用的門徽

同時分佈在屋簷

這麼近那麼遠

天守閣一直都離我地好近，但行極都未到，真係這麼近那麼遠......
其實姬路城既建築係首屈一指，由大天守閣同小天守閣作中心，總共有83座建築群而成既城郭。

呢張就係姬路城既鳥瞰圖，可想而知係幾宏偉。

姬路城坐落係姬山之頂，始建於1333年，而始乎佢同3字好有緣，係1931年被指定為國寶，1993年入選世界遺產。
第一個興建姬路城既係赤松則村，之後豐臣秀吉同池田輝政再係原有既規模上再擴建，天守閤就係池田輝政入主姬路城之後興建既。

天守閣

呢座就係天守閣，外面睇起上黎有五層，但其實總其有七層。

天守閣入口

行左好耐，迂迂迴迥，終於黎到天守閣既門口。
要參觀天守閣，因為保育既關係，首先要換上拖鞋或者著住襪黎行，令到所以參觀者都拎住個膠袋爬上七層樓再爬返落黎。

換鞋

係皮拖鞋，本來我同sister anthea都著住皮拖鞋，但係行行下就覺得好辛苦，因為著左襪既關係，著埋皮拖鞋就好滑，所以最後我地兩個都放棄拖鞋就咁著住襪黎行。

天守閣內

好高的樓梯

點解要放棄拖鞋? 最主要既原因就係呢D樓梯，又高又斜，要用腳趾抓住拖鞋好辛苦架。

仲著住拖鞋的我們，我地不禁係度諗，究竟以前D人點樣行上行落，條樓梯真係好難行。

除左行七層樓梯，天守閣都有展覽既，有當時姬路城同天守閣建築模型 等。

終於，上到黎最高個層，呢層係長壁神社，係用黎供奉姬路城既地主神，據聞以前曾將神社搬到城外，但引起內城怪事連連，所以最終長壁神社又遷回內城。
上左七層，望住出而既景色，居高臨下，無異係幾靚既，但係....... 最慘既係......我地又要行返個D又高又斜既樓梯落去喇.........

右望望

左望望

我地就係沿住呢條路由車站行過黎

黎伯真係好鐘意影自己同類架

行完天守閣，真係攰到嘔，講真呀，無異佢既建築真係對當時黎講係前無古人，但係始終我地都係鐘意中國式既建築同歷史。

又係背影...

黎伯又影自己同類喇...

我地行完姬路城就過左馬路對面食雪糕啦~

路的盡頭便是姬路駅

之後就行返去姬路駅搭返JR準備去宇治啦。