百貨血拼 Day 4 下

懷住依依不捨既心情上水，離開渡月橋，發現只要係旅遊景點既地方，都會見到佢地兜搭遊客做生意，而且全部都係後生仔，之前係去清水寺既途中有人兜搭過我地，今次係呢度又見到佢地，當然我唔係指同一個人。

忍者?

就係佢地喇，著住好似忍者裝束既人。

行返原路去嵐山站搭JR返去京都車站，經過lawson就買左野飲，因為太熱又玩得太耐，要補充下能量，而黎伯......又係度影我地既背影相，我地返香港後係呢幅相到搵到好多巧合係我地當時未察覺到架!!!!我地兩個都著桃紅tee，我地分別將袋背係左右邊膊，仲有支野飲同埋我地條褲同對鞋0既顏色係交換左架!!!!非常之對稱啊~~~~

京都塔

返到黎京都車站，我地去伊勢丹百貨行街，sister anthea最終係agnes b買左個袋送俾佢媽媽。(無錯為左兌現要買個銀包比媽咪，我除左買左agnes b之外仲買左個burberry 銀包比媽咪。行程我洗最多錢就係買呢兩樣野，不過點都平過係香港買0既。去旅行自己玩得開心之餘都唔可以忘記家人嘛!!!) 之後我地落左去地下街，又見到3mins happiness，行左陣就上返地面，本來睇旅遊書附近有muji，但係搵極都搵唔到，我地懷疑本書太舊，而且日本發展太快，所以就去巴士站乘車返去食飯喇。

係地下街等sister anthea睇fancl既途中，黎伯嘗試人生第一次對鏡自拍。

我地試尋日見到間餐廳，自助式買飛，然後等佢送黎，竟然有凍綠茶飲，正。

睇下幾多冰!!!!! 每一臺都擺定一樽咁大支既凍綠茶。

咖哩牛肉麵

親子飯，即係雞蛋雞肉拿，好食!

最好食都係呢個: 滑蛋豬排飯，半生熟既蛋，脆脆既豬排，令到我地第二晚再度encore!!!

係餐廳望出去

食飽飽就返屋企啦，我地已經當左hostel係屋企，經過呢條馬路，又玩又影，好明顯今次技術好左。

呢晚我地行埋99yen店，買左玄米茶、又買左好多snacks等聽日坐車去姬路城食，上到天橋又影相，返到去，梳洗完，仲睇溫布頓男單，拿度vs費達拿，仲迫黎伯講源氏物語俾我地聽，為我地宇治之旅作準備。