清水坂--> 嵐山--> 嵯峨野小火車--> 龜崗--> 嵐山--> 渡月橋--> 京都車站--> 地下街
呢朝早早就起身食完早餐，我地去返清水坂，因為上次睇左D手信冇買到，不過一等，就等到10點半先開鋪，我地即刻狂掃貨，我諗個老闆都嚇親，做咩呢三個遊客係度一開門就狂買野。狂買好多好靚既京都限定小錢包，有鏡既化妝袋等。本來黎伯話唔買但到最後佢買得最多!!!!!!!!!!!!!!!!!! (哈哈～仲記得個朝我地暪住黎伯去進行我地0既秘密活動，黎伯到依家都仲未知囉!!!!!!!) 點解我地要秘密活動???!?!?因為黎伯當時買緊手信，而佢既選擇困難症又發作，揀超耐都未買到，而我地又等佢等到好悶所以就暫時出走下。
買完野就落返去清水寺巴士站搭巴士去京都車站，坐電車去嵐山，黎伯懷住好興奮既心情，因為佢極度想坐小火車。呢個嵯峨野小火車係唯一一個黎伯好堅定咁話一定要去，佢由我地開始plan行程個時就嚷著要去，我地見咁難得老人家咁期待去一個地方，我地點都奉陪到底。幸好～黎伯今次做左一個好明智既選擇，因為嵯峨野小火車帶領我地去到一處，至今也令我地最懷念既地方。
去到嵐山站要行5-10分鐘先去到嵯峨野小火車既站臺，即刻買左飛，因為岩岩好，幾個字之後就有一班小火車，係等待期間，就去參觀下有個火車既展覽，同埋係出邊行下，見到lawson又去買野食，我地愛上lawson~~ 買左野食就夠鐘去嵯峨野小火車站等車啦~
 |
| 火車展覽 |
 |
| 嵯峨野小火車車站外 |
 |
| 車站內 |
 |
| 好華麗的吊燈 |
 |
| 無聊的我們 |
依家先諗起個日係星期六，怪不得會有咁多人，架小火車差唔多滿哂，架火車開既時候，就係我地食lunch既時候，一路上都係黎伯最鐘意既大自然風景，所以佢不斷影呀影呀影，影左好多草草木木河流，好一個熱愛大自然既老人家.......
站台上等等小火車
開車!
火車駛到半路的鬼，行過我地旁邊剛好進隧道，呢張係唯一最清楚既一張。
另一邊的風景美很多
 |
| 黎伯一馬當先搵位 |
 |
| 駛至一半出現的鬼 |
 |
| 沿途風光，這是激流，另一個不便宜的收費活動。 |
好快就到龜崗喇，好多草地，好綠，天氣都好好，火車月台一早己經企滿搭返去嵐山既遊客，我地等到架車開走，先慢慢影個月台。
係車站望出去，一望無際既草地呀!!!!!!!!
接落黎既行程就係要去馬堀站坐JR去返嵐山，大約要行5分鐘，其實都好近，因為出左小火車站，就見到JR行過，不過我地已經被草原所吸引喇，開始左我地跳躍之旅。
一出小火車站就有指示牌教人行去馬堀駅
係馬堀駅附近有附近居民既七夕許願活動，搞活動既伯伯們都好好客，叫我地去許願，我地都寫左許願字條掛上樹，伯伯們都用有限既英文同漢字同我地溝通，有伯伯仲為我地寫旅途平安既許願字條，仲摺左隻龜俾我地，同我地講呢個地方叫龜崗。
雖然大家言語不通，但係大家都好努力咁傾計，而且伯伯們真係好好客，你地睇下，黎伯見到同自己年紀差唔多既日本伯伯，幾開心，開心到要舉V字呀。
成個旅程最開心就係呢一日，因為遇到好好客既日本伯伯們，得到佢地既祝福，接下來既行程簡直令我地流連忘返呀。
 |
| 再度合照 |
 |
| 小火車出發回嵐山 |
 |
| 站台 |
 |
| 綠油油 |
接落黎既行程就係要去馬堀站坐JR去返嵐山，大約要行5分鐘，其實都好近，因為出左小火車站，就見到JR行過，不過我地已經被草原所吸引喇，開始左我地跳躍之旅。
 |
| 黎伯這張滿有青春電幻物語的感覺，不過佢當然同青春冇咩關係啦 |
一出小火車站就有指示牌教人行去馬堀駅
 |
| 係草地旁就會見到由馬堀駅開出的JR |
 |
| 其中兩個日本伯伯 |
成個旅程最開心就係呢一日，因為遇到好好客既日本伯伯們，得到佢地既祝福，接下來既行程簡直令我地流連忘返呀。
 |
| 我仲保存緊隻龜 |
沒有留言:
張貼留言