放棄了大阪城的大阪遊 Day 6 下

係hostel拎返行李就去京都車站搭JR去大阪喇，本來早一日就會係大阪，但因為bk錯左hostel時間，京都間hostel bk多左日，所以就stay多一日係大阪，不過咁都好，因為stay多日，我地先可以去參觀京都御所。

去到大阪，拿拿臨搵hostel，由JR站行去hostel都好耐.... 拖住行李，又拎住遮(sister anthea同我都係京都買左把直遮)，真係好攰，靠黎伯睇住地圖，我地跟住佢行。

我諗大約行左15-20分鐘啦，終於去到hostel，但去到未有房住，要擺低d行李先，咁唯有去食lunch先啦 (其實呢個時候已經係食tea既時間)。

我地又唔想行遠，因為諗住食完野就去拎房，所以就係附近睇下有D咩食。最後我地見到間日式茶餐廳，有蛋包飯，600yen only，就雙眼發光咁

入左去喇。

我地形容為日本茶餐廳

餐廳佈局

餐廳係由一對日本夫婦開既，一腳踢，老婆招呼人，老公就係大廚，我地入到去見到個餐牌全部都係日文.... 咁就出返去指燈廂個圖俾佢地睇，要三份蛋包飯!!!!!!

蛋包飯

先上左冰水，同熱毛巾俾我地，之後就有湯飲喇，冇諗到個餐包湯飲

激讚!!

好大份架，食完一份真係超飽，我同sister anthea應該share一份就夠，哈哈哈哈，到依家都好懷念呢個蛋包飯!!!

不過食完之後，俾錢個陣就發生左D誤會，因為之前我欠sister anthea幾百yen，咁就幫佢俾埋呢餐lunch既錢，咁其實我地三個俾老闆既total係1800yen，係冇錯既，不過唔知點解我地諗住走個陣老闆娘就找錢俾我地，咁我地就覺得好奇怪啦，仲諗緊係咪我地睇錯價錢，但又唔係喎，老闆娘又話我地爭佢錢，搞左好耐，雞同鴨講，因為老闆夫婦係唔識英文，我地又唔識日文，但好好彩，其中一個食客識少少英文就過黎幫我地，我地用紙筆加少少漢字再加少少英文，終於搞清楚件事!! 原來係老闆娘以為我地各俾各，所以我俾左1000yen，佢就找返400yen俾我，原本我係幫埋sister anthea俾埋個400yen，咁老闆娘就以為我地其中一個有400yen未俾，一場誤會!! 不過都搞左好耐~

食完我地就返hostel喇，返到上房，係female 4 ppl dorm rm，我地仲諗住會唔會包到一間房呢? 點知上到去就見到其中一格床有行李係度lu~

擺好行李之後，我地就出發去下一站喇!!!!
BLOSSOM OUTLET!!!!!!!!!
但.... 去outlet之前我地仲要行15分鐘地下街去到地鐵站，再搭地鐵.....  點解條地下街咁長....

地下鐵

車廂

出左地鐵站行10分鐘度就去到outlet喇，主要目的係去muji outlet掃貨。
由於黎伯對購物冇咩興趣，所以佢先影到outlet既相，wahahaha，同埋佢主要擔任既角色係幫我同sister anthea抉擇買咩好。

好耐之前去日本黎過一次~

muji factory outlet，D野係真係平呀，我買左兩個葡萄柚味lip balm，一支旅行裝toner，仲有筆，不過支筆依家失蹤左.... 仲有幫呱呱買mask，買左兩支俾佢(返到香港仲要俾佢話點解買咁少....) 行完主要既muji outlet，就睇下仲有咩鋪頭，sister anthea買左件衫，行到差唔多我地就返歸喇。

出到黎，見到好靚既景色，仲有月亮!!!

超靚!!!! 忍唔住停低影左好多相

行去地鐵站既途中，天已漸暗....

下晝食左咁大份蛋包飯，我地根本就唔肚餓，所以去左附近既supermarket買野食，買左chesse cake同一大支西柚汁，i love it!!!!

食完野就各自去沖涼喇，勁慘，當我去沖涼房擺低左衫諗住去沖涼時，見到小強!!!!!!!!!!!!!!!!  嚇到我即刻跑返出黎，好彩只係岩岩入左去。結果要等黎伯沖完入佢間bathing rm沖。

洗完白白我同sister anthea就落左地牢，個度有電視睇，亦都可以沖下茶/coffee飲，睇睇下電視，有班外國人落黎睇波，又唔岩我地睇，所以就上返房喇。