金閣寺 Day 3 上

4/7/2008


金閣寺--> 下鴨神社--> 貴船神社--> 錦市場--> 新京極

基於前一晚係supermarket買左飯團做早餐，所以晨早起身有早餐吃，真係又平又好食。食完就出發，呢日既主題係 -- 大自然。

我地搭巴士出發，要轉車，基於第一日搭錯車，其實要轉車都好擔心又搭錯。
因為都有一段既路程，我地開始學巴士上面既人講野，日本巴士同大陸一樣，每到一個站之前都會話俾人聽就快到咩站，黎伯靜觀我地兩個係度學日文，成程係度＂Kinkaku-ji!!＂，順便學埋銀閣寺＂Ginkaku-ji＂，我地就算落左巴士，行去金閤去途中都喪係度講，黎伯其實好想毒啞同打爆我地。

又係一個一早已經有好多旅客既地方，又係好多日本中學生著住校服黎旅遊，買左飛一入去就見到金閣寺，金閣寺既門票好有心思，係一道符保安康，好特別，好似火野麗既惡靈退散咁。我地成程都同火野麗扯上關係。

金閤寺門票

所有旅客都圍住係湖邊影相，好辛苦先搵到個位仔企係度慢慢影，金閤寺係世界文化遺產，亦都係日本國寶，金閣寺其實係叫鹿苑寺，但係因為佢既主要建築舍利殿既外牆係用金箔裝飾，所以又叫做金閣寺。

金閣寺就係睇呢個舍利殿

屋頂上既係鳳凰

舍利殿

夕佳亭

南天床柱

陸舟之松，係足利義滿將軍種既盆栽，因為形狀似帆而得名。

呢個景點其實好有規劃，因為所有人都跟住一條路行，冇得返轉頭，我地身邊不斷有好多學生，天氣咁熱，佢地仲要著住校服黎，真係好慘，男仔仲要著長褲，但其實黎伯都係著長褲。

又一堆日本中學生