園林古鎮木瀆 Day 7 上

已經唔記得係咩原因選擇黎呢個地方，應該都係因為唔想同人迫，做research既期間又見佢寫住乾隆黎過六七次，但其實基本上個個江南古鎮水鄉都冇咩分別，只在於你想睇commercialization多D，定未經污染既景點多D。

這是最後一天留在蘇州，我們選擇去木瀆，在火車站坐巴士就可直達。事前research，木瀆的官網說半小時便可到達，結果我們坐了一個鐘，硬身的巴士坐位加上顛簸的道路，坐丁我地屎忽痛，黎伯仲好好心咁讓左個位俾人，結果佢企左都幾耐下先到落車個站。

木瀆有三個站，但千祈唔好係古鎮站落，因為要去到嚴家花園站先係旅遊區，又係咁，要旅遊區先有D野睇... 唔係旅遊區呢，就咩都冇，官網話乾隆黎過六七次，但幾百年之後，木瀆都幾荒蕪。

我地一聽到巴士上既廣播話「下一站係木瀆」，就好興奮咁落左車，落左車環視四周，除左kfc咩都冇，結果我地衝左入去，享受一下冷氣同食物。

食完野睇返個巴士站，見下一站係嚴家花園，咁唯有行過去啦，一個站都唔算係好遠既。去到嚴家花園站，見到木瀆其中一個景點嚴家花園既入口，又係冇咩人，我諗真係無咩人好似我地咁傻咁天真大熱天時黎呢D地方等中暑。

嚴家花園分春夏秋冬四景既花園仔，成個花園得兩個旅行團同我地三個。

據說嚴家花園係江南名園之一，而其實每個係江南有D歷數有D年代既園林都係叫名園架啦... tourism commercialization既包裝下，遊客既錢都幾好呃。

江南才子黎伯

自力更新自拍合照

在假山上看

看假山上

江南水鄉應該有的東西: 小河、流水、船、橋

講真，係蘇州火車站搭幾蚊巴士可以黎一黎古鎮睇園林都算係唔錯架喇!

我地成功迫黎伯係嚴家花園扮江南才子，行完嚴家花園，本來諗住去多個地方，但住又係因為太熱，之前坐車又太耐太攰，所以決定返去hostel睇dvd。