窺探上海 Day 11 & 12上

又返去上海喇，今次係杭州東站搭車，好似難民營既東站好細又黑，已經冇咩mood，坐個架仲要唔係和諧號，好慢，都係和諧號好，又快架車又靚，買飛個陣點解冇發覺唔係和諧號呢?

返到去藍山拎返行李入房又hea左陣，跟住就出發去徐家匯喇，行商場，去uniqlo買野，跟住食埋飯，間餐廳sale fusion，算中價，都好食既。

食飽飽就係徐家匯行去衡山路，可能太早，酒吧街d pub岩岩開，無咩人，加上黎伯又唔係好想去，咁結果我地行左陣就返去hostel附近間supermarket掃貨，掃左D酸奶做早餐。

第二日我地去人民公園，行當代藝術館同美術館，黎伯因為忘記帶學生證，所以我地俾$5入場費，佢就要俾$20。

上海當代藝術館

寶貝智多星

上海當代藝術館係人民公園入面，睇完展覽就睇荷花，呢D荷花真係靚呀。

看見美術館

上海美術館

做緊呢個展覽，黎伯大愛

美術館既展覽係19世紀西方畫，黎伯鐘意睇~ 一日之內去左兩個藝術館，本來諗住去埋上海博物館，但眼見去左蘇州果個，就唔去上海喇。

睇完展覽，就搵公交車去上海老街。

上海老街，俾遊客行既地方

西施豆腐花... 麻麻地咋

沿住上海老街行去豫園食小籠包同酒釀圓子。

豫園

周圍都係遊客

好多人好多人!!

尋找黎伯

排隊買小籠包

賣飛佛! 酒釀圓子但無桂花

來豫園只為美食，鋪頭都是手信鋪，我們只買了老上海明信片就冇其他野買啦，出去搵返公交車去南京路。