中國四大名園之留園 Day 4 中

留園好近我地hostel，所以我地係行去既，當食完飯消化下。但係行去既距離比我想像中遠，無論係睇地圖或者問hostel前台既人，佢地都話好快到..... 依家行去都唔駛半個鐘既，只不過係大街轉彎之後好似行左好耐先到留園。

留園導賞圖

留園

江南園林呀~

一入去見到個牌，有D字畫

古木交柯

第一個景點就係「古木交柯」。呢張相見到古木文柯既牌匾。

留園十八景之一，兩樹一台一匾，明式花台上有兩樹，一個係柏樹，另一個係雲南山茶。

「綠蔭」(有人企係度個度)

呢張見到埋「明瑟樓」(右手邊座樓)，取水木明瑟之意。

「五峰仙館」，因廳內擺放峰石而得名。

楠木廳

樑柱傢俱都以楠木製作，所以又稱為楠木廳，係江南廳堂典型代表。

門口真係好高大，好有氣勢。

好鐘意中國園林既意境

各款漏窗

漏窗既精緻，每個漏窗都有唔同圖案，透過漏窗隱約看到外面既景色，留園長廊三十多種漏窗係好出名，冇一個圖案係重複。

冠雲峰

「冠雲峰」，太湖石，高6.5米，冠雲峰既特點係瘦、漏、透、皺，係咁多江南園林中最高大既一塊太湖石。

係冠雲峰旁既建築，即係「冠雲亭」同對面既「冠雲樓」都係賞石之所。

冠雲峰旁有散落既峰石形成「石林小院」

在eye level目不暇給，眼皮底下也一樣

門窗上的雕花

「濠濮亭」，亭前(即相左下角)有一峰名「印月」，倒影池中為一明月，無論咩日子都可以賞月。

小蓬萊

「小蓬萊」，位於水池正中，由兩條曲橋連接，橋頂有紫藤棚架，春天開花一定好靚。

清風池館

「清風池館」，取蘇東坡<赤壁賦>中「清風徐來，水波不興」之意而命名，山池風光全收入眼廉

右手邊既係「涵碧山房」，係留園中部既主要建築，又叫荷花廳。

有人坐係「小蓬萊」度

可亭

「可亭」，山頂小亭，從高處看山池既景色。

好多遊客....

「留園」與北京頤和園、承氏避暑山莊和蘇州拙政林同為四大名園，係蘇州園林裡，留園既建築較多而密集，行幾步就有另一種既景色，分中部東部同西北部幾個景區，每個景區都有唔同既特色，如中部就係山水、東部就以建築為主。


留園每個地方既名都好有趣，如還我讀書處同活潑坡地，有D就好有詩意，如佳晴喜雨快雪之亭同聞木樨香軒。唔知黎伯去完留園既活潑坡地有冇活潑到?


狂影相之後，我地就離開留園，去觀前商業街喇。