到達上海 Day 2

12/7/2008


上海火車站--> Hostel--> 正大廣場--> 浦東睇夜景


好早起身去刷牙，跟住又訓下醒下，坐火車有樣野唔好，因為車程太耐，會令到個人有D頹。


大約11點幾去到上海火車站，過左關就拖住行李坐地鐵喇，坐地鐵之前先去買過兩日去蘇州既來回火車票，因為驚即日去會冇位，而且買左飛先個人先會有動力，如果唔係hea下hea下個日就唔知幾點出發喇。上海火車站同其他大陸既火車站一樣，買飛排隊要好耐.... 買飛個度冇咩冷氣，好熱.....

終於順利買左飛，咁就落去地鐵站喇，首先買左上海交通卡，即係類似香港既八達通，因為我地玩成兩個星期，成日都要坐地鐵，買張於始終方便D，唔駛成日去買單程飛，係上海火車站地鐵站買既交通卡係二手既，不過用到就得啦。


買左交通卡充左值就入閘喇，上海既地鐵線路都幾複雜，特別係三四號線，因為呢兩條線overlap左好幾站，但佢地係重複既幾個站都用相同既月台，所以每次架列車駛到埋黎都要睇清楚究竟係三號線定四號線，我地第一次搭就上錯車，所以waste左少少時間轉返車，不過都順利去到hostel。

極度複離的地鐵圖，不過其實我地黎黎去去都只係搭某幾條線

hostel就係地鐵站對面，好方便，不過有條樓梯先上到去，一去到front desk佢就知係我bk左，非常奇怪地，一開始我send email俾佢地bk房，佢係度要我through hostel world或者yha bk，我地sign in唔到，加上我人在北京，結果搞左勁耐sister anthea先bk到，但到去到hostel佢竟然有我既bking名，好恐怖，佢地既內部溝通好混亂，每日check email既人都唔同，有人叫你就咁through email bk，但都有人死都要你through website bk，下次可唔可以統一d，through website bk唔係問題，問題係可唔可以唔好一個人話得另一個人就話唔得，搞到我地都好混亂。


check完in就有房喇，我地bk左四人female dorm rm，間房對住toilet and shower room好方便，我地入到房已經有個女仔係度喇，為左慰勞黎伯係火車訓左一晚中鋪，所以今次我地俾佢訓下格，我同sister anthea就訓上格，呢間hostel d床好高。(btw, 點解我地咁順攤比黎伯訓下格?!?!?!?係因為我地從日本已經愛上訓上格，視野好好多而且我地兩張床係連住，方便傾計又可以share雜誌睇wor!!!!!!)

女室友似係度長住

睇下! 真係幾高架 (對比大阪間hostel)  我地仲發現左個女rm mate收花tim，不過個女rm mate見到我地好cool，點解會咁cool，等多兩日就知答案喇)

Hello Elmo

我係上格影落去，elmo正對著我揮手

係房度hea左陣，我地就出發喇。
本來一早plan好既行程係行去泰康路思南路，不過係地鐵度見到落雨，入到房時見到天陰陰，所以都係改行程，去行下上海既shopping mall，去浦東既正大廣場行街街，第一日就行街街都幾頹下，哈哈。


搭地鐵，其實上海地鐵都幾繁忙，好多人搭，尤其係轉車站，去浦東我地只需要係世紀大道轉一次車，都算快，去到陸家咀，嘩! 勁多人!! 一出黎就見到東方明珠，幸好正大廣場都算易搵，我地一入到去正大就見到H&M final sale喇，我同sister anthea就衝左入去，大陸人消費能力真係強，成間H&M都好多人，fitting room更加唔駛講啦，已經有人就咁笠件衫試，唔入fitting room，我地主力睇D減價野，我同sister anthea買左對同款既鞋，半價只需49.9，黎伯一如概往在旁俾意見，sister anthea買多條頸巾。睇睇下野，講開黎伯要買斯文衫，就開始左揀衫俾黎伯試既旅程，行完h&m睇唔岩，我地去埋zara，大陸zara試衫唔俾人跟埋入去，同伴只可以係出面等，要試衫果個人出黎，好麻煩，搞到黎伯好尷尬，試完唔敢出黎俾我地睇.... 係黎伯試衫途中，我地狂試高跟鞋，zara d high heel真係幾靚架，不過個heel真係好high。


行完h&m同zara，黎伯都無收獲，我地都放棄左幫佢揀斯文衫，轉攻uniqlo，uniqlo每年夏天都出唔少tee collections，我地係上海見到有D tee已經開始減價至$39，所以又迫黎伯揀tee，我地揀左件好colorful花花女人頭既tee俾佢，其實佢唔太喜歡咁colorful既style，但俾我地威迫下都去左試，同時佢自己揀左件黑底低調tee入去試。唔駛問啦，佢自己梗係鐘意黑底個件架，不過經我同sister anthea一輪勸說之後，佢兩件都買左，而花花女人頭tee仲係最後個幾日著左tim~~


行完街街買左野就去醫肚喇，當我地諗緊食咩好個陣，竟然見到漢堡王!!! 雙眼發光咁衝左過去!!! 一個小華堡餐只需18蚊咋!!!! 有冇搞錯，香港賣成30幾蚊!!!!! 上海可以咁平!!!! 即刻坐低叫野食!!!!!

個陣仲好抵食架

食完好滿足，超好食，特別係薯條，不過我發覺大陸快餐既薯條係普遍偏鹹既，可能係大陸人食野既口味較重既關係。(返到香港都仲好掛住咁平咁好味0既burger king)
(講真，邊有人去旅行狂食快餐架，呢個漢堡王為我地既快餐之旅留下伏筆，食快餐食到傻，我諗得我地三個係咁...)

翻版

行去漢堡王途中見到呢對翻版mickey mouse and minnie mouse，忍唔住要影到佢~


食完就繼續行下個商場喇，其實同香港既差唔多，乜牌子既鋪頭都有，大陸牌子既，國際牌子既，基本上一日可以spend係度，因為shopping mall實在太大太齊全喇，我地行完鋪頭就去左地庫既supermarket行，行完就出去睇夜景喇~

由商場行出去江濱要行5-10鐘度，途中見到有人係度唱歌，而路旁全部都係pub或者餐廳。


唔算多人，所以我地都有靚位影下相

係浦東睇浦西既夜景~

東方明珠塔

sister anthea名為士多啤梨鼻塔

好光!!!

臨走見到間mcdonald，專賣雪糕飲品，都好多人幫襯。


睇完夜景就行返去地鐵站乘車歸去喇，返到去就洗白白喇，hostel既toilet and shower room有好大既壇香味，你可以話係掩蓋左廁所味，但同一時間呢個壇香味又似乎太攻鼻，所以都唔係好想stay係toilet太耐。


洗完白白就要諗聽日去邊喇，因為今日落雨，成個schedule都唔同哂，哈哈，by the way，我地訓個陣女rm mate都未返黎~