真正大阪血拼 Day 7 上

8/7/2008

Hostel --> 阪急百貨--> Hep five --> 心斎橋難波道頓崛

間hostel訓得好好，好鐘意訓上格，呢間hostel d床比較矮，而且樓梯斜斜地，上上落落好方便。

起身梳洗完就出發去SHOPPING again，因為得返今日咋，係京都又冇咩點買野，所以我地放棄左大阪城，走左去shopping。

行到hostel附近既JR站就見到芝麻街JR喇，超興奮~

未夠十點出門口，又要行地下街，條地下街真係好長，諗住乘地鐵去心斎橋，點知見等多幾分鐘，阪急百貨就開門，所以我地同D日本太太們一齊堆係門口等開門。我地首先衝上muji，成為第一批客人，一出電梯，sales們排哂隊歡迎我地，勁有禮貌。其實我都唔係好記得點解要衝上去muji喇，不過行完一圈冇咩野睇，我地就落返去supermarket兜一圈。

之後就出發去難波附近既shopping mall行下喇，去左hep five，又係等佢開門，主要係去行3 coins，摩天輪我地就冇坐喇，行完3 coins順便行下其他鋪頭，好似有gap。

地標

Hep Five

hep five有disney store，由於香港普通shopping mall已經冇disney store既關係，我地一見到就衝左入去，可惜冇咩donald公仔... 而sister anthea就係度領養左隻新pooh pooh返香港。

就係呢隻俾我donald征服左既pooh pooh喇，亦都係之前出現過幫我地展示清水寺tix既垂頭喪氣pooh pooh。

行完HEP five經過mcdonald，就去左食only日本有既mc pork，幾好食喎，點解香港冇既.... 入面塊pork係脆架，得塊pork同菜，唔錯。

呢個應該叫早餐...... 行完街先食早餐..... shopping大於一齊......
因為食左呢餐mcdonald，送左D coupon俾我地，引發我地之後再食多餐mcdonald，我諗冇人去日本好似我地咁食mcdonald.....

食飽飽後，就出發去心斎橋喇。

日本街頭

當時香港未有蘋果專門店

行行下見到蘋果，即刻衝入去朝聖下先

裙，可以長，亦可以短。

好有趣的街燈，點解香港唔可以creative d

美國街

行左去美國街個邊，有好多特色鋪頭，賣衫賣figure乜都有。係咁入鋪頭睇，玩多過買。

終於行到道頓崛，黎伯幫呱呱買書，我同sister anthea就買雜誌睇，為左買呱呱個D書，我地仲差D誤入賣黃色書既鋪頭。